الدروس
01:42:41 ساعة
25 الدروس
الطبلة
تغيير الصوت أثناء العزف
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

في الدرس الثاني عشر نتعلم مهارة الكتم و تغيير الصوت المستخرج من الطبلة أثناء الكتم و كيفية استخدام تقنية الكتم أثناء العزف.


ناصر سلامة:


"مرحبا أنا ناصر سلامة من إعزف دوت كوم وإحنا اليوم بالحصة رقم اطنعش.


وعدتكم بالحصة الماضية أنه نعمل (يعزف الأستاذ ناصر التمرين على الطبلة) بتكونوا تشوفوا وتحضروا في عازف الإيقاع بيكون يحرك إيديه بسرعة على الطبلة وصوت المايكرفون واطي مش عارفين إيش عم بطلع صوت بس عاجق حاله وكذا بدي أنا هلأ بدي أفرجيكم بما إني قاعد لحالي إيش الصوت اللي بكون يستنى يطلعلكم عازف الإيقاع لما تكون كل الفرقة بتعزف وهو مسكين بفكر أنه صوته طالع بره.


بستخدموا أظافرهم عازفين الإيقاع أو إحنا منستخدم أظافرنا إذا بتعدوني عازف إيقاع بتضرب بالأظفر (يضرب الأستاذ ناصر سلامة بإظفره على الطبلة) على وجه الطبلة اطلعوا (يضرب الأستاذ ناصر على الطبلة بأظافره من الكبير إلى الصغير على الطبلة) الكل رح يلاقي أسهل أنه يحرك من الصغير للكبير من الصغير يعني من هدا الأصبع لكن الطريقة الأفضل إنك تحرك هيك (يضرب الأستاذ ناصر على الطبلة بأظافره من الكبير إلى الصغير على الطبلة).


أوكي اطلعوا هدا التمرين عبارة عن تلت تمارين مشبوكين في بعض أظفر ميوت وتك عادي (يعزف الأستاذ ناصر التمرين على الطبلة) ناخد هون (يعزف الأستاذ ناصر التمرين على الطبلة) كيف منستعمله (يعزف الأستاذ ناصر التمرين على الطبلة) اطلعوا دُم بالأصبع الأوسط (يضرب الأستاذ ناصر بإصبعه على الطبلة) لف.


طب إذا منحرك الإيد كمان وهي عم بتسوي فبصير الميوت كمان يتحرك (يعزف الأستاذ ناصر التمرين على الطبلة) طيب اطلعوا هدول التنين واحد تنين أو واحد تنين نبلش فيهم(يضرب الأستاذ ناصر بإصبعيه الأوسط والبنصر على الطبلة) عنا بتتزكروا تمرين هدا التمرين من لما أعطيتكم إياه قلت لكم أنه هدا التمرين كتير مهم ولازم تضلكم تتمرنوا ولازم ترجعوله تمرين رقم تنين (يعزف الأستاذ ناصر التمرين على الطبلة).


هذا التمرين هون منقدر نستعمله منيح (يعزف الأستاذ ناصر التمرين على الطبلة) بقيم الميوت (يعزف الأستاذ ناصر التمرين على الطبلة) بصير بس عندي صوت الأظافر (يعزف الأستاذ ناصر التمرين على الطبلة) برجّع الميوت (يعزف الأستاذ ناصر التمرين على الطبلة).


هدول التمارين هم تمارين تكنيك بشكل كتير متعمق كل التمارين اللي أخدناها هي تمارين من البداية لهلأ هي تمارين ما رح تزبط في يوم وليلة التمرين هدا بيحتاج لوقت طويل بحتاج لتدريب وبحتاج لمثابرة أنا ما بطلب من أي حدا يتمرن أكتر من عشر دقايق باليوم وإذا بقدر يتمرن مرتين باليوم فبكون كتير ممتاز وبعدين سوّي على الطبلة اللي بدك إياه لكن التمرين اللي بتاخده اللي مدته خمس دقايق لازم يتاخد لمدة خمس دقايق والتمرين اللي مدته عشر دقايق لازم يتاخد لمدة عشر دقايق.


بشوفكم بالحصة الجاي من إعزف دوت كوم وأنا ناصر سلامة.

عن المدرب
ناصر سلامة
ناصر سلامة
ناصر سلامة هو فنان يعزف ويضبط الإيقاع على كثير من الآلات الإيقاعية، منها ما هو شرقي الأصل؛ كالطبلة والرق والدف والطار والبندير، ومنها ما هو لاتيني؛ كالكونغا والبونغو وبعضها إيراني؛ كالزرب، وإفريقي؛ كالجمبي وإسباني؛ كالكاخون، بالإضافة إلى الجرار الخليجية والمؤثرات الصوتية الإيقاعية، التي يتميز كل منها بتكنيك مختلف في العزف عمل سلامة مع العديد من الفرق والموسيقيين منذ أكثر من عشرة أعوام، ومنها فرقة زمن الزعتر وفرقة شرق وأوركسترا عمان السمفوني وفرقة تراب وفرقة الحنونة للفنون الشعبية ونوازن-ايليا خوري وغيرها من الفرق المحلية عمل ناصر سلامة مع مجموعة من أهم عازفي العود في العالم مثل أحمد الخطيب من فلسطين ، حسين سبسبي من سوريا ، نصير شمة من العراق ، عمر بشير من العراق ، و صخر حتر من الأردن كان سلامة أحد الموسيقيين العرب القلائل الذين عزفوا في العرض التاريخي "ليلة واحدة في الاردن" العام 2008 بقيادة الموسيقي زيد ديراني وبمشاركة أوركسترا لندن الفيلهارمونية الملكية وجوقة أصوات لندن

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!